Vazhdon sot dita e dytë e fushatës për zgjedhjet lokale të 22 tetorit.

Partitë politike në vend kanë planifikuar një sërë aktivitetesh elektorale për ditën e sotme të cilat janë të renditura më poshtë:

Kryetari Veseli, bashkë me kandidatin për Kryetar të Prishtinës, Lirak Çelaj, viziton bizneset në rrugën, ‘Agim Ramadani’. (Mbrapa Teatrit Kombëtar, ora 10:30)

Partia Demokratike dega në Pejë bën prezantimin e projektit të planit zhvillimor urbanisitk të kandidatës për kryetare të komunes Sabiha Shala. (Sheshi Haxhi Zeka afër Shtëpisë së Mallrave, ora 13:00)

Lidhja Demokratike e Kosovës në Gjilan hap zyrtarisht fushatën elektorale në Konventën e madhe programore. (Salla e teatrit të qytetit, ora 15:00)

Kryetari Veseli merr pjesë në tubimin hapës elektoral në Prizren, bashkë me kandidatin për Kryetar të Komunës, Shaqir Totaj. (Sheshin e Lidhjes në Prizren, ora 17:00)

Forumi i Gruas i Lidhjes Demokratike të Kosovës organizon tubim ku do të bëhet shpalosja e politikave për gruan. (Hotel Emerald, ora 17:00)

Dega e NISMA për Kosovën në Prizren do të bëj hapjen e fushatës elektorale për zgjedhjet lokale. (Shtëpia e kulturës “Xhemajli Berisha” në Prizren, ora 18:00)

Lëvizja Vetëvendosje bën prezantimin e kandidatëve për Kuvendin Komunal të Prishtinës. (Amfiteatri i American School of Kosova ASK, ora 18:00)

Dega e NISMA për Kosovën në do të bëj hapjen e fushatës elektorale për zgjedhjet lokale. (Hotel Pashtriku në Gjakovë, ora 19:00)./arbresh.info/